الإستعداد ليلة القدر -------------------- للكاتبة :نجلاء فنحي

الإستعداد ليلة القدر

--------------------

للكاتبة :نجلاء فنحي

دخلنا بقى في العشر أيام الأخيرة من شهر رمضان ،فضي لي نفسك كدة و اسمع علشان كل اللي فات كوم و دول كوم تاني خالص

*مبدأيًا كدة دول الأيام الآخيرة "و العبرة في الخواتيم"فيهم من يتقبل الله عمل هايعتقه من النار ،و العتق من النار دي يعني دخول الجنة يعني غفران ذنوب يعني تصيبنا رحمة ربنا ،فكر فيها كدة هتلاقي إن ده شئ عظيم.

*ثانيًا دول اللي فيهم ليلة القدر (اللـــــــــــــــــــــــه) "خير من ألف شهر" يعني أفضل من حوالي 84 سنة عبادة على ما أظن، طيب هل انت ضامن تقعد سنة واحدة بس تعبد و لا حتى يوم دي بقى هاتضمن لك 84 سنة

فيها

_ترفع الدعوات إلى المولى

_تغفر الذنوب

_تنزل الرحمات

_تتنزل الملائكة للأرض

حسب قول السيدة عائشة"و رسولنا الكريم كان يجهد في العشر ما لا يجهد في غيره "

يعني شد لي نفسك كدة و استعد يا بطل عندك حلم دعوة نفسك في حاجة مادية معنوية اجهز لها

طيب حد بقى هايسألني و يقولي نعمل إيه ؟؟؟

أولًا : تحسن الظن بالله ؟، من جواك كدة خليك على يقين إنه هايكرمك خلاص بقى ما فيش يأس

2/انصرف عن طريق الشيطان حتى مجرد التفكير فيه لأ خليك جدع و إبدأها بتوبة نصوحة و صلي ركعتين بنية التوبة

3/ ورقة و قلم بقى يا ابن الناس و جهز طلباتك اللي محتاجها من الخالق علشان ما تنسهاش قسمهم

- احتياجات مادية

- معنوية

-محتاج ايه لنفسك

-لعيلتك

-حبايبك

-المجتمع اللي حواليك

و خليك زكي و كتر في الدعوات لغيرك علشان الملايكة ترد عليك و تدعيلك بالمثل و دول بقى ما يعرفوش للشر طريق حبايب ربنا

و لما تيجي تدعي ربنا عايزاك تتخيل إنه قدامك خاطبه إبكيلك إحكيله أطلب منه السماح كرر دعاك ربنا بيحب العبد اللحوح

و أوعى تنسى أداب الدعاء تبدأ بالإستغفار و الحمد و مستحب إنك تكثر في الدعاء من الصلاة على النبي.

4/"لا يدخل الجنة مشاحن"فصفي نيتك مع كل اللي حواليك ظالمينك فالمولى وكيلك ، ظالم إلحق راجع نفسك و اعمل أي حاجة خليه يسامحك.

بعد ما جهزت نفسك بقى

5/قيام اليل قيام اليل كمان مرة قيام الليل على الساعة 12 بالدقيقة تكون على سجادة الصلى بس تحاول قبلها تنام علشان ربنا بيفرح و يتفاخر بعبده اللي بيترك نومه علشان ييجي يقعد معاهإنّ الله عز وجلّ يَنزل كلَ ليلة في الثُلثِ الأخير من اللّيل إلى السّماء ِالدُّنيا فيقول: (هل من داعٍ فأستجيبُ لهُ هل من سائلٍ فأعطيهُ، هل من مستغفرٍ فأغفرُ له)، حتى يطلع الفجر.

6/ فيه و النبي صلاة حلوة قوي اسمها الإشراق بتتصلى ما بين الفجر حتى الشروق و سيدنا النبي قال فيها: "مَنْ صَلَّى الْغَدَاةَ فِي جَمَاعَةٍ ثُمَّ قَعَدَ يَذْكُرُ اللَّهَ حَتَّى تَطْلُعَ الشَّمْسُ ، ثُمَّ صَلَّى رَكْعَتَيْنِ ، كَانَتْ لَهُ كَأَجْرِ حَجَّةٍ ، وَعُمْرَةٍ ، تَامَّةٍ ، تَامَّةٍ ، تَامَّةٍ" و شوف بقى يعني إيه حجة ! بنرجع منها طاهرين من الذنوب زي ما إتولدنا

6/لما تيجي تقرا القرآن هي مش بكتر الصفحات فالمولى في كتابه قال"أفلا يتدبرون القرآن" تدبر اقرا و افهم جمل في صوتك و حسنه خلي الملايكة كدة تتلم حواليك فتدعيلك ، و هاذكرك إن قرآن الفجر ربنا أقسم بيه فقال"أَقِمِ الصَّلَاةَ لِدُلُوكِ الشَّمْسِ إِلَى غَسَقِ اللَّيْلِ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا "

7/ما بين الآذان و الإقامة الفترة دي استجابة دعوات اغتنمها بس ادعي

8/طول ما انت شغال ما تبطلش تسبيح فقد قَالَ رسول الله : "اسْتَكْثِرُوا مِنَ الْبَاقِيَاتِ الصَّالِحَاتِ"، قِيلَ: وَمَا هِيَ يَا رَسُولَ اللهِ؟ قَالَ: "التَّكْبِيرُ، وَالتَّهْلِيلُ، وَالتَّسْبِيحُ، وَالتَّحْمِيدُ، وَلا حَوْلَ وَلا قُوَّةَ إِلا بِاللهِ"عندك مثلا:سبحان الله و بحمده لو قولتها 100 مرة تغفر لك ذنوبك على قول النبي صلى الله عليه و سلم "تغفر الذنوب و لو كانت مثل ذبد البحر"

لا حول و لا قوة إلا بالله "كنز من كنوز الجنة" "كنز تحت عرش الرحمن" ترفع الإبتلائات ، حسبنا الله و نعم الوكيل تآمنك من الخوف تنصرك على أعدائك ،إنا لله و إنا إليه راجعون بتبشرك بالخير.

فعايز إيه تاني؟؟