حيطان البيت كلمات / أيمن البكري
حيطان البيت
كلمات / أيمن البكري
حيطان البيت
ما هياش مجرد رص
طوبه علي طوبه
يامابداري وراها بلاوي
وياما ناس بتبكي ومحدش داري
وياما ناس بتبكي ومحدش داري
حيطان البيت
بتداري واحد من بره باين
إنوا طيب وأمين
لاكن من جواه خاين
ماعندوش أي ضمير
ف ثانيه من غير مايفكر
بيتسبب ف موت ملايين
حيطان البيت
بتداري ناس غلابه بتصرخ من الجوع
وأطفال عنيها مليانه ألم ودموع
وناس بتمد إيدها لناس تانيه تساعدها
وتلاقي الرد لا ممنوع
حيطان البيت
بتداري واحد عاصي
لدينوا وربوا أه ناسي
ف سكة الشيطان ماشي
من عين الناس بيتخفي
دي الدنيا دي يدوب لفه
طريق والكل أه مسافر
ومسيرك ترجعلوا ف الاءخر
ياما ناس بتحلم
ب أربع حيطان تسترهم
لا إتمنوا قصر ولا جنه
ومهما حصل وجرالهم
دايمن راضيين بحالهم
مهما خدت الحياه منهم
وناس معاها ياما
وديمن كده طمعانه
ولا شكروا ربنا مره
علي النعمه إل وياهم
مفيش غير التراب
تعليقات
إرسال تعليق