ترانيم عشق ) 📰بقلم الشاعر 📰 جمال القاضي
بقلمي
( ترانيم عشق )
------------------
فاكر همسك
فاكر صوتك لما
كان يناديني بحبك
فاكر رحلة حبي معاك
من أول نظره
على شط البحر
وعند الموجه
فاكر لما كنت تغازل
نسمة شوق
وقت العصر وقت
غروب الشمس وكانت نسمه
تهز في خصلة شعرك
كنت بغير أنا منها
وأفضل كاتم غيرتي
فاكر حبك لما
كنا بنمشي على شط البحر
وأيدك تمسك أيدي
كانت تلمس قلبي ساعتها
كانت تشعل نار أشواقي
ولما عيوني تروح لعيونك
كنت بشوفها
تسحر عيني بنظرة عينك
تخطف قلبي بسحر
وصادر منها
كنت بحس وجودك
كنت بحس بقربك
حتى القلب بنبضه
كان يناديك ويقول
حبيبي بنبضه
تهز كياني
تزلزل فيا جوارحي
كنت معاها أنا بفرح
وبنسى همومي
أنسى معاها أنا مين
حتى أسامي لغيرك
كنت أناديها بإسمك
تعرف ليه لأني
مجنون وجنوني
لأني بحبك أنت
ولما يمر اليوم ورا يوم
وفيه تنساني ولاتسأل عني
أنسى أنا مين أنسى الدنيا
وأنسى إني بعيشها
كان اليوم بيمر بطوله
كأنه سنين
ومعاك كنت بشوف
الشهر يمر بلمحه
وأه لو تنسى إني بحبك
أمسح كل الذكرى
أمسح كل قصايد حبك
حتى خيالي راح ينساك
تعالى وقرب مني
قرب أكتر لإني هقولك
أنت حبيبي ولاغيرك
عمر القلب يحبه لإنك
أول حبي وأخر حب
ومن أول لحظه ولأخر عمري
حبك أنت يفضل ساكن قلبي
--------------------------
تعليقات
إرسال تعليق