مش هنساك )📰بقلم الشاعر 📰جمال القاضي

بقلمي

(مش هنساك )

_________________

مش هنساك لانك انت ؛

حبيبي و عمري .

أبعد عنك في ثانية تلاقي ،

كل كياني مشتاق يناديك ،

حتى القلب يصير مجنون:

بس جنونه غريب ؛

تلقى النبض بيعلو ،

تلقى الحزن يهز جوارحي ،

وحتى يهز سكون الروح ،

ولما تقرب تاني بيرجع

قلبي ونبضي بيهدأ ،

ولما بيهدأ عيوني ؛

تبحث عنك ، وتنظر ليك

لأني بشوف بعيونك ؛

واحة شعر ،

بسرق منها كل كلامي الحلو ،

وبكتب منها ،

كل حروف لقصايد حبك ،

ولما تقرب مني ،

من غير بحس ألاقي ؛

إيدي بتلمس إيدك .

تلمس وجهك، تلمس قلبك ؛

لاني بحس معنى حنانك فيه ،

ومن معانيه : تبعد عن قلبي ،

كل أشواك الحزن برقة قلبك ،

ومعاك أنا بنسى أنا مين ؛

بنسى حتى كل أسامي لغيرك .

ولو روحت أنادي عليهم ؛

أنادي بإسمك أنت ،

حتي وجوهم روحت أشوفها ،

بصورة وجهك ، وكأني

بشوفك أنت ، وحتي الصوت

لما بلاقي حد ينادي عليا ؛

تلقى شكوكي في صوته إنه ؛

بنبرة صوتك إنت .

تعرف ليه وإيه تفسيره ؟

تفسيره لإني بحبك ،

وكل دقيقه بقربك ، عمر وفرحه ،

وكل ثواني تمر في هجرك ؛

دهر بطئ وسنينه حزينه طويله .

ومعاك الكون بيكون ،

بكل ما فيه ، وكل مكان

كان يجمعنا ؛ يفضل معنى ،

وذكرى جميله ؛ محفوره بعمق خيالنا ،

وانت معايا أجمل ذكرى ،

بحبك حب ، أيوه بحبك أنت .

_________________

تحياتي جمال القاضي