يا عيدنا 📰 ( بقلم الشاعر 📰 محمـد عنانى )
يا عيدنا
( بقلمى محمـد عنانى )
=============
يا عيدنا اللى جاى مكسوف
مش لاقى كلام وحروف
تشاركنا اللى ليه بنشوف
وقلوب ناس ملاها الخوف
أحزانها رفوف ورفوف
وكرونا اللى جاى محدوف
حوالينا بِهمَه يطوف
وبيحصد يوماتى ألوف
للفرحه ما عدنا نشوف
ولا حتى صلاتنا صفوف
يا عيدنا اللى جاى مكسوف
دا كرونا سرق بهجتنا
وحبسنا كمان فى بيوتنا
وف بحر الآلام دوبنا
وبنندم على اللى فاتنا
والنعم اللى يوم فارقتنا
وسعاده فى لحظه سابتنا
يا عيدنا اللى جاى مكسوف
فين تهانينا فى زياره
بأجمل جمله وعباره
مابين الكل دواره
ومراجيحنا اللى فى الحاره
وطبل ياناس وزماره
وأطفال تجرى بمهاره
وبالخيط طايره طياره
فين دا كله ياخساره
يا عيدنا اللى جاى مكسوف
للفرحه الجميع ملهوف
وبندعى نقول يارب
وعشمنا تزيل الكرب
وتعيده علينا بحب
وسعاده بتملا القلب
==============
تعليقات
إرسال تعليق