كتبت 📰:نجلاء فتحي 📰 للشاعر: أحمد إبراهيم 📰 انا اسف انا المغرور
كتبت :نجلاء فتحي
للشاعر: أحمد إبراهيم
انا اسف انا المغرور
و مين في الدنيا دي تحبيه و ميتغرش
انا اسف لكن معذور
و مين في الدنيا دي شافك و ميحبش
لقيتك ورده مزروعه
في وسط الشوك بحنيه
كأنك شمس حبيتها
و محلمتش تكون ليا
و فجأه لقيتها قدامي
دفاها و نورها علشاني
تلف مدارها حوليا
و تعزف احلي اغنيه
و نورها في بياض التلج
و وقت الحر متضرش
قوليلي انتي بقي ازاي
اصدق ده و ما اتغرش
لقيتك نغمه مكسوفه
ما بين اجمل كمانجه و عود
كأنك نغمة الدنيا بتيجي
و بس للموعود
ملاك نازل علي اسمك بيهمسلي.......
يقولي كلام
مفيش ف الدنيا دي زيه كلام
بصوت لو عدى ع الدنيا
كلام الكون خلاص بعده مبيهمش
قوليلي انتي ازاي
بقي اسمع ده و ما اتغرش
لقيتك بسمه جايه لناس
بتبكي من عنيها الدم
لقيتك فرحه جيالي
بتمسح اي لحظة هم
كأن الفرح ف الدنيا بيتجمع
في ضربة حظ و عملوا السحب
و انا اللي كسبت
و فرح الدنيا بقي ملكي
و هي الفرحه دي فجأة مبتخضش
قوليلي ازاي بقي
افرح و ما اتغرش
لقيتك حضن مش راضي
بسره يبوح
كأن حنانه كان فيضان سفينة نوح
معاكي امان بيحكوا عنه في الحواديت
بقاله سنين عجايب الدنيا مش سبعه
معاكي كملوا السبعين
قوليلي بقي
تعليقات
إرسال تعليق